PPk Bildu salatu du ikurrina jartzeagatik prebarikazioa leporatuta

Ramon Ugalde Donostiako PPko bozeramaileak salaketa aurkeztu du Donostiako Udalaren (Bildu) aurka, prebarikazioa leporatuta, ikurrina lorategi babestu batean jartzeagatik, horretarako baimenik gabe.

Gomezek azaldu duenez, salaketa "ez da ikurrina jartzearen aurka", "bere bandera" ere badelako, Donostiako Udalaren jokatzeko moduagatik baizik, "ezker abertzalearen alde egiteko udal araudiari jaramonik ez egiteagatik".

PPko udal alderdiaren esanetan, Gipuzkoa plazako lorategian 14 metroko haga jartzea baimentzen duen espedienterik ez dago, eta horretan oinarritu du bere salaketa.

Gipuzkoako Aldundiko egoitzan ikurrina jartzeko erabakia Bilduren Gobernuak hartu zuen, Auzitegi Gorenak Espainiako bandera jauregiaren fatxadan leku ikusgarrian jartzera behartu ostean.

PPri "ez zaio ikurrina gustatzen", esan du Bilduk

Bestalde, PPko bozeramaileak aurkeztutako salaketaren aurrean, alderdi horri "ez zaio ikurrina gustatzen", esan du Donostiako Udalak.