Politika -
ALDAKETA PSOE-N
PSOEko hautagaiek eztabaida irekia egingo dute astelehenean, Ferrazen
Uztailaren 13an, militante guztiek aukeratuko dute PSOEko buru berria.
Erredakzioa
Pedro Sanchez, Eduardo Madina eta Jose Antonio Perez Tapias PSOEren idazkari nagusi izateko hiru hautagaiek eztabaida irekia egingo dute astelehenean, uztailak 7, Madrilen, Ferraz kaleko egoitzan. 13:00etan izango da hitzordua.
Hautagaietako bakoitzak bere alderdi eredua eta proposamenak aurkeztuko ditu lehenik, 10 minutuko agerraldian. Ondoren, bertara bildutako publikoaren galderei erantzungo diete.
Aurreikuspenen arabera, 100 lagun izango dira Ferraz egoitzan.
