Politika -
Gernika
PSEk Gernikako Arbolaren 'hondatzeak' sortzen dion kezka adierazi du
Batzar Nagusietan, bere egoeraren inguruko galdera bat erregistratu du, konpontzeko hartuko dituzten neurriak zehaztuak izateko.
Erredakzioa
Bizkaiko Batzar Nagusietan, PSE-EEk Gernikako Arbolaren "hondatzeak" sortzen dion "kezka" adierazi du. Juntetxearen ondoan dago, Gernikan, Arbola.
Juan Otermin PSEren ahaldunak galdera bat erregistratu du, Josune Ariztondo Kultura foru-diputatuari zuzendua, arbolaren egoera azaltzeko eta hori konpontzeko nerriak zehazteko, PSE-EEk ohar batean jakinarazi duenez.
Gernikako Arbolak sinbolismoz betetako haritza da. Bizkaiko foruak hor zin egiten zituzten, antzina, eta gaur egun lehendakariak hor egiten du zina, kargua hartzean.