Politika -

Pujol auzia

Ogasunak 12.695 euro itzuli zizkion Pujolen emazteari

2013ko errenta-aitorpenean Ogasunak guztira 12.695,99 euro itzuli zizkien Marta Ferrusola Katalaniako presidente ohiaren emazteari eta haren seme-alabei.

Ogasunak 12.695 euro itzuli zizkion Pujolen emazteari, Argazkia: EiTB
Ogasunak 12.695 euro itzuli zizkion Pujolen emazteari
Ogasunak 12.695 euro itzuli zizkion Pujolen emazteari, Argazkia: EiTB

Erredakzioa

Whatsapp Facebook Twitter Telegram Email

2013ko errenta-aitorpenean Ogasunak guztira 12.695,99 euro itzuli zizkien Marta Ferrusola Katalaniako presidente ohiaren emazteari eta haren seme-alabei.

Senarraren errenta-aitorpen ezberdin batean, Ferrusolak 685.099,83 euroko ondarea aitortu zuen, eta horietatik 407,58 euro ordaindu zizkion Ogasunari.

Hamar banku-gordailuren emaitza da ondare hori, guztira 397.427,81 euro; akzio eta esku-hartzeak 64.824,32 euro, 157.325 euroko bizi-asegurua, eta Bartzelonan eta Gironan dituen ondasun higiezinak 65,522,7 euro.

Katalaniako presidente ohiaren aurka Manos Limpiasek jarritako salaketa baten ondorioz egin da ikerketa hau.

Felipe Gonzalezek ez du Pujol politikari ustela dela uste

Felipe Gonzalez Gobernuko presidente ohiak, bestalde, Pujol sekula ez duela politikari usteltzat jo ziurtatu du, eta auzi honen inguruan gertatzen ari den guztia sinestea zaila egiten bazaio ere, hau guztia “seme-alabak babesteko” egin duela uste du.

Gonzalezek “politikari ustelak, eta ustelak ez direnak” ezberdindu nahi izan ditu. “Buruzagi bat aberastu egin bada eta duen lanaz aprobetxatu bada, politikari ustel baten aurrean gaude. Baina guztiak berdin tratatzen ari gara eta horrek bizikidetza moteldu egingo da”, esan du.

 

 

Hau zure interesekoa bada, baliteke beste gai hauek ere izatea