Politika -
Barne hauteskundeak
Podemosek udal buruzagiak izendatuko ditu gaur
Bilbon hiru zerrenda aurkeztu dituzte; Gasteizen, sei; eta Donostian, bi.
Erredakzioa
Podemos-Ahal Duguk alderdiaren udal buruzagiak izendatuko ditu gaur, barne hauteskundeak egin ostean.
Bozketa Internet bidez egin dute jarraitzaileek, abenduaren 26tik asteazkenera arte.
EAEn, hiriburuetako buruak ez ezik, beste hainbat herritakoak ere izendatuko dituzte, hala nola udal hauetakoak: Barakaldo, Portugalete, Santurtzi, Urduliz, Derio, Plentzia, Leioa eta Basauri, Bizkaian; Errenteria, Zarautz eta Pasaia, Gipuzkoan; eta Amurrio, Araban.
Bilbon, hiru hautagaitza aurkeztu dituzte: 'Noski ahal dela', 'Denok gara Ahal Dugu' eta 'Bilbo pentsatzen'. Gainera, beste bost pertsonak hautagaitza aurkeztu dute Bizkaiko hiriburuko Batzorde Herritarrean parte hartzeko.
Donostian, bi hautagaitza lehiatu dira: 'Noski ahal dugula' (zuzendaritza nazionalaren babesa izan duena) eta 'Donostian ere ahal dugu'.
Gasteizen, aldiz, sei zerrenda aurkeztu dituzte.
