Politika -
Gurtel Auzia
Zortzi urteko zigorra eskatu du fiskalak Valentziako PPko buruentzat
Fiskaltzak hauteskunde-delituak eta dokumentuak faltsutzea leporatzen die Campsen talde osatzen zuten lau pertsonentzat.
Erredakzioa
Ustelkeriaren aurkako Fiskaltzak zortzi urteko espetxe-zigorra eskatu du PPko Valentziako buruzagientzat.
Fiskaltza horrek hainbat hauteskunde-delitu eta dokumentuak faltsutzea leporatzen die Campsen talde osatzen zuten lau pertsonentzat.
Delituak 2007 eta 2008ko udal hauteskundeetan eta hauteskunde autonomiko eta orokorretan egin zituztela uste du Fiskaltzak.
Hauteskunde horietarako kanpainak egiteko, PPk Alvaro Pérez ‘El Bigotes’en enpresa kontratatu zuen (Orange Market). Ustelkeriaren aurkako fiskaltzaren iritziz, ordainketak modu irregularrean egin ziren.
Bi urte horietako hauteskunde-kanpainak legez kanpo finantzatzea eta agiriak faltsutzea leporatzen die Fiskalak, besteak beste, Vicente Rambla Valentziako PPren presidente ohiari eta Ricardo Costa idazkari nagusiari. David Serra diputatu ohia eta Cristina Ibañez Valentziako PPko gerente ohia ere inputatu ditu Gurtel auziaren atal honetan.
