Esperanza Aguirreren kanpaina zuzendaria inputatu dute

Isabel Gallegok, Madrilgo Erkidegoko Komunikazio zuzendariak eta PPren hauteskunde kanpainaren komunikazio zuzendariak, Punica auzian inputatu gisa deklaratu du gaur. Punica auzia kontratu publikoetan ustez izandako ustelkeria sarea ikertzen ari da.

Ikerketa iturriak baieztatu duenez, goizeko hamaiketan joan da Gallego Guardia Zibilaren Tres Cantoseko egoitzara deklararatzera. Komunikazio zuzendariak, ordea, ez du azkenean deklaratu.

“Ez deklaratzea nahiago nuela esan dut. Nahiago dut auzitegian deklaratu”, adierazi du irteeran Gallegok. Datorren apirilean agertu beharko du epailearen aurrean.

Isabel Gallego datorren maiatzeko hauteskundeei begira PPren kanpainaren zuzendaria da. Gallegok postu horretan jarraituko duela esan du Esperanza Aguirrek.