Politika -
Rato auzia
Rato kartzelatzeko eskaera egin dute, ihes egiteko arriskuagatik
Gainera, Ogasun ikuskariek lekuko gisa deklaratzea eskatu du 15NpaRato-ren herri-akusazioak.
agentziak | erredakzioa
15MpaRato-k, herri-akusazioaren izenean, Rodrigo Rato Espainiako Gobernuko presidenteorde ohia behin behinean kartzelatzeko eskatu du, ihes egiteko arriskua dagoelako eta "frogak ezkutatzea, aldatzea edo suntsitzea galarazteko".
"Bere egoera ekonomikoak ihes egiteko aukera ematen dio, eta beste herrialde batzuetan ondo bizi daiteke, dirua izan dezakeelako han ere", azpimarratu du akusazioak Auzitegi Nazionalari egindako eskaeran.
15MpaRato-ren arabera, frogak suntsituko diren susmoa edukitzeko arriskua "zehatza" da, azken aldian Suitzara egindako bidaiengatik. Gainera, bere etxearen eta bulegoaren miaketek horixe omen zuten helburu, frogak ez aldatzea edo suntsitzea, alegia.
Era berean, "inputatuak beste delitu batzuk egitea" galaraztea ere badago akusazioaren jomugan, 800 milioi euroko bermearen ordainketa saihesteko ondareak lekuz alda ditzakeela iritzi baitio.
Auzitegi Nazionalean sartutako beste idatzi batean, 15MpaRato-k Zerga Agentziaren dokumentuak eskatu ditu, Caja Madrid / Bankia-k 2004ko eta 2006ko inspekzioetan aurkeztutakoak, hain zuzen ere.
