Politika -
Lasarte-Oria
Maiatzaren 29ra atzeratu dute Urchueguiaren deklarazioa Somoto auziaz
Gaurko zegoen deituta Lasarte-Oriako alkate ohia, inputatu gisa deklaratzeko.
Agentziak | Erredakzioa
Maiatzaren 29ra atzeratu dute Ana Urchueguia Lasarte-Oriako alkate ohiaren deklarazioa, Somoto auzia dela-eta. Gaurko zegoen deituta, Somotori (Nikaragua) emandako diru-laguntzen inguruan inputatu gisa deklaratzeko.
Lasarte-Oriako Udalak jarri zuen salaketa PSE-EEko alkate ohiaren kontra, eta Donostiako 3. Instrukzio Epaitegiak onartu egin zuen, eta deklaratzera deitu zuen.
Ebazpen horretan, epaileak adierazi zuen kereilan egon badaudela ''ikerketa judiziala eskatzen duten hainbat kontu'', kereilan jasotako ekintzek ''diruaren bidegabeko erabilera eta prebarikazio delituen ezaugarriak'' dituztelako.