Politika -
Onartu dute
Gipuzkoako aberastasunaren gaineko zergaren erreformaren lehen urratsa
Maria Eugenia Arrizabalaga bozeramaile jeltzaleak gogor kritikatu du, lurraldearen ekonomiarentzat desabantailak ekartzen dituelako.
Agentziak | Erredakzioa
Aberastasunaren gaineko zergaren erreformak (Bilduk bultzatu zuen aurreko legegintzaldian, sozialisten babesarekin) Gipuzkoako batzar orokorretan onartua izateko. EAJk, PSEk eta PPk koalizio abertzaleak aurkeztu zuen osoko zuzenketa bertan behera utzi dute.
Horrela, zergaren aldaketak datorren astelehenean adostuko dute Ogasun Batzordean (dirudienez, aurrera aterako dute)eta, gero, behin betiko onartuko dute hilaren 23an. Egun horretan, Gipuzkoako aurrekontuak onartuko dituzte.
EAJk eta PSEk osatzen dute Gipuzkoako Foru Aldundiko gobernua. 2015 urtea amaitu baino lehen Aberastasunaren eta Fortuna Handien gaineko Zerga kentzea zuten helburu. 2012an onartu zuen Bilduk, sozialisten eta Aralarren babesarekin.
Zergaren polemika nagusia enpresa-ondarea eta sozietateetako parte-hartzeak zergapetzen dituelako dator. Adegiren arabera, Gipuzkoako "enpresagintzaren aurkako erasoa" da.
Hain zuzen ere, ekonomiaren eta enpleguaren sustapenaren defentsa, baita zergen bateratzea ere, hiru alderdien (EAJ, PSE eta PP) argumentu nagusia izan da EH Bilduren osoko zuzenketa baztertzeko. Halere, Podemosen onartu egin du.
Maria Eugenia Arrizabalaga bozeramaile jeltzaleak gogor kritikatu du, lurraldearen ekonomiarentzat desabantailak ekartzen dituelako. "Bilduk asmatu zuen, kalte ideologikoa egiteko", azaldu du. Erreforma horrekin, bere ustez, berdin jasoko dituzte zergak, "foru aldundiak 66 milioi euro jasoko baititu".
Xabier Olanok, bere aldetik, mezu hori baztertu du. "Ezjakintasunagatik", diote zergak Gipuzkoren jarduera ekonomikoa oztopatzen duela, enpresen parte-hartzeek %75eko hobaria dutela kontuan hartu gabe. Olanok Ogasun zuzendari postua zuen zerga onartu zutenean eta, azaldu duenez, lurraldean 8.059 lagunek ordaindu dute zerga hori. "Horietatik, laurdena baino gutxiago", hau da, 1.979k, dute parte-hartzerik enpresetan.
EH Bilduren bozeramaileak gogor kritikatu du PSE-EEren jarrera. Talde horretako Julio Astudillok, bere aldetik, EAEko zerga-bateratzeagatik defendatu du erabakia.