Politika -
EAEAN
Ibarra: "Justizia hobetzeko bost urteko epea hasi da"
Euskal Autonomia Erkidegoko Justizia Auzitegi Nagusiko presidente berriaren esanetan, "herritarrei eta basakeria terroristaren biktimei zor diegu".
Erredakzioa
Juan Luis Ibarra Euskal Autonomia Erkidegoko Justizia Auzitegi Nagusiko presidente berriak jakinarazi duenez, Euskadiko "Justizia Administrazioa hobetzeko bost urteko epea zabaldu da".
Ibarra hedabideen aurrean agertu da Graciela Bravo Botere Judizialaren Kontseilu Nagusiaren bozeramailearekin batera, 2001ean ETAk hil zuen Jose Maria Lidon epailearen oroimenez Bilboko Justizia Jauregian egingo diren Zuzenbide Penaleko VII Jardunaldiak hasi baino lehen. Euskal Autonomia Erkidegoko Justizia Auzitegi Nagusiko Administrazioarekiko Auzietako Salaren presidentearen esanetan, bere lehenengo agintaldia "Euskal Herriko Justizia Administrazioa hobetzeko bost urteko esfortzua" izango da.
"Herritarrei zor diegu, Jose Maria Lidoneri eta basakeria terroristaren biktimei ere. Argi daukagu zer egin eta norekin egin behar dugun. Eta ez zaizkigu bitartekorik faltatuko", esan du Ibarrak.