PSEk 'nazio justuagoa' aldarrikatu du, Priede gogoan

Iñaki Arriola PSE-EEren Gipuzkoako idazkari nagusiak esan du PSOE "saiatu" egingo dela Espainian gobernu "erreformista" bat osatzeko gehiengoa lortzen.

Omenaldia Priederi, Orion. — Juan Priederi, bere heriotzaren 14. urteurren bezperan

agentziak | erredakzioa

publikatuta: 2021/09/10 13:46 (UTC+2)

azken eguneratzea: 2021/09/10 13:47 (UTC+2)

Iñaki Arriola PSE-EEren idazkari nagusiak esan du PSOE Espainian Gobernu "erreformista" osatzen "saiatuko" dela, eta "nazio justuagoa" lortzeko lanean Juan Priederen eredua jarraituko duela, 2002an ETAk hil zuen zinegotzi sozialistari erreferentzia eginez.

Arriolak hitzaldi labur bat eman du Orioko hilerrian, ETAk duela 14 urte gaurko egunez hil zuen zinegotziaren hilobiaren ondoan.

Gipuzkoako sozialisten ordezkari andana bertaratu da, tartean Odon Elorza Kongresuko diputatua, Jose Ignacio Asensio Ingurugiroko foru diputatua eta Jesus Eguiguren PSEren presidente ohia.

Gipuzkoako sozialisten buruak azpimarratu du egoera politikoa "kezkagarria" dela, Diputatuen Kongresuaren osaerarekin "zaila" izango delako kudeatzea, baina PSOE "saiatu" egingo dela berretsi du.

Hau zure interesekoa bada, baliteke beste gai hauek ere izatea

Alderdi Sozialista Albisteak Gipuzkoa Euskal Autonomia Erkidegoa albisteak Espainiako Gobernua albisteak ETA albisteak Euskal sozialistak Prentsa digitalaren azken orduko Orio Albisteak Terrorismoaren Biktimak Gaur

PSEk 'nazio justuagoa' aldarrikatu du, Priede gogoan

Esteka kopiatuta