Politika -
Garzonen aurkako prozesua
Blancok falangistei indarra ematea leporatu dio PPri
PSOEko idazkariorde nagusiarentzat Maria Dolores de Cospedalen adierazpenak "nazkagarriak" dira, Gobernuko agintari batzuek "demokrazia arriskuan jarri" dutela esan baitu.
Erredakzioa
Falangistei indarra ematea leporatu dio Jose Blanco PSOEko idazkariorde nagusiak PPri, eta Maria Dolores de Cospedal PPko agintariak Baltasar Garzon epailearen aldeko manifestazioei egindako kritikak "nazkagarriak" direla adierazi du.
Blancok Maria Dolores de Cospedalen hitzak kritikatu ditu, Espainiako Gobernuko pertsona garrantzitsu batzuen jarrerek "demokrazia arriskuan jartzen" dutela adierazi baitu.
"Argi dago demokrazia arriskuan ez dagoela. Demokrazia ez du ezta PPk arriskuan jartzen", adierazi du Blancok. "Arriskuan dagoen bakarra PP da", bere jarrerarekin "falangistei indarra eta arnasa ematen ari baita egunero", gehituz.