IUko oinarriek Podemosekin koalizioan joatea onartu dute

Asteartean eta asteazkenean IUko oinarriei egindako galdeketaren emaitzen arabera, alderdiaren % 87,8 ekainaren 26ko hauteskunde orokorretara Podemosekin batera aurkeztearen, eta, beraz, koalizioa egitearen alde dago.

Guztira, 20.302 lagunek eman dute koalizioa osatzearen aldeko botoa, 2.433 lagun horren kontra agertu dira, eta 374 abstenitu dira.

Hori horrela, alderdiko 70.000 kide eta jarraitzaileetatik 23.109 bat lagun joan dira galdeketara, hau da,  % 33.

Bestalde, Podemosek arratsaldean emango ditu ezagutzera bere galdeketaren emaitzak.