Politika -
EAE-ko hauteskundeak
Podemos Euskadik ukatu egin du Lamarcari hautagai izatea eskaini izana
Haren telefono zenbakia ere ez dutela adierazi dute alderdiko zuzendaritzatik.
AGENTZIAK | ERREDAKZIOA
Podemos Euskadiko zuzendaritzak ukatu egin du Iñigo Lamarca Ararteko ohiari Eusko Legebiltzarrerako hauteskundeetako zerrendetan aurkeztea eskaini izana.
Atzo, Euskadi Irratiak aurreratu zuen alderdi moreak legebiltzarkide izatea eskaini diola Ararteko ohiari (egun abokatu da Gipuzkoako Batzar Nagusietan).
Alderditik, baina, ukatu egin dute Lamarcari ezer eskaini izana, eta, are gehiago, haren telefono zenbakia ere ez dutela adierazi dute.
Podemos Euskadiren esanetan, independente askorekin hitz egin ohi dute, ez hautagai izateko, baizik eta hauteskunde programako proposamenak diseinatzen lagun dezaten.