Itxi

Politika

Alderdi Popularraren ekimena

Legebiltzarrak ez ditu diru-sarrerak bermatzeko baldintzak gogortuko

AGENTZIAK | ERREDAKZIOA

Alderdi Popularra bigarren aldiz saiatu da diru-sarrerak bermatzeko errenta jasotzeko baldintzak gogortzen, baina EAJk, EH Bilduk, PSE-EEk eta UPyDk ekimena geldiarazi dute.

  • Eusko Legebiltzarra. Artxiboko irudia: EFE

    Eusko Legebiltzarra. Artxiboko irudia: EFE

Eusko Legebiltzarrak atzera bota du Alderdi Popularrak diru-sarrerak bermatzeko errenta jasotzeko baldintzak gogortzeko legegintzaldi honetan egindako bigarren saiakera.

Egoera irregularrean dauden etorkinei eta Euskal Autonomia Erkidegoan bost urtez bizi izan direla egiaztatzeko erroldarik ez dutenei laguntzarik ez ematea proposatzen zuen Alderdi Popularrak.

Bigarren aldia da gai bera eztabaidatzen dutela Gasteizko Ganberan. Urrian, ‘Ayudas+Justas’ plataformak bultzatutako herri ekimen legegile bat eztabaidatu behar izan zuten. Talde parlamentario guztiak, PP salbu, proposamenaren kontra agertu ziren, diru-sarrerak bermatzeko errenta eskuratzeko baldintzak gogortzea suposatzen zuelako.

37.000 sinadurarekin babestutako herri ekimen horrek porrot egin ostean, PPk berriro heldu zion gaiari eta maiatzean antzeko lege proposamen bat aurkeztu zuen. Alabaina, EAJk, EH Bilduk, PSE-EEk eta UPyDk proposamenaren kontra bozkatu dute eta ekimena ezerezean geratu da.

  • Bisitatuena

      Kargatzen ikusiena
      Kargatzen ikusiena