Politika -
Operazioa oraindik martxan
Rubalcabak "berri onen bat" heltzea espero du atxiloketen ostean
Barne ministroak adierazi duenez, ETAko lau ustezko kideen atxiloketekin amaitu zen polizia operazioak "oraindik zenbait ikerketa bide zabalik ditu".
Erredakzioa
Alfredo Perez Rubalcaba Barne ministroak "hurrengo egunetan oraindik beste berri onen bat" heltzea espero duela adierazi du, ETAren kontra egindako "sekulako" operazioaren ostean.
Rubalcabak Miere Talde Sozialistaren Jaian egindako hitzaldian esan duenez, "oraindik atxilotuei kendutako material guztia aztertu beharra dago".
Iragan osteagunean Frantziako Poliziak, Guardia Zibilarekin elkarlanean, lau ustezko ETAko kide atxilotu zituen Baionan eta Urruñan (Lapurdin). Haien artean Mikel Carrera Sarobe atzeman zuten, ETAko aparatu militarreko ustezko buruzagia.