Politika -

Sabotajea

Ikurrinaren sorrera oroitzeko plakari eraso egin diote, Oizen

Iñigo Urkullu lehendakariak plakaren argazki bat argitaratu du sare sozialetan, erasoa salatuz.

Ikurrinaren sorrera oroitzeko plaka orban batekin. Argazkia: @iurkullu
Ikurrinaren sorrera oroitzeko plaka orban batekin. Argazkia: @iurkullu
Ikurrinaren sorrera oroitzeko plaka orban batekin. Argazkia: @iurkullu

AGENTZIAK | ERREDAKZIOA

Whatsapp Facebook Twitter Telegram Email

Ikurrina sortu zela 100 urte bete zirela oroitzeko EAJk Oiz mendian (Bizkaia) jarritako plakaren kontrako beste eraso bat izan dela salatu du Iñigo Urkullu lehendakariak.

Urkulluk plaka horren argazki bat argitaratu du sare sozialetan. Orban bat egin diote, plakan grabatutako hitzak ezabatuz.

Oroigarria 1994ko uztailaren 14an jarri zuten Oizen. Ikurrina Luis eta Sabino Arana anaiek sortu zuten. Azken hori EAJren fundatzailea izan zen.

“1994ko uztailaren 14an plaka bat jarri genuen Oiz mendian, ikurrina sortu zela 100 bete zirela oroitzeko. Euzkadiko monetak eta egun hartako egunkariak utzi genituen bertan, ikurrina baten ondoan. Plaka horrek hainbat eraso jasan ditu; azkenekoa, atzo”, deitoratu du lehendakariak.

Hau zure interesekoa bada, baliteke beste gai hauek ere izatea
Politika PNV-EAJ Iñigo Urkullu Lehendakaria Eguneko albisteak