Politika -
Kataluniako Estatutua
Senatuak Konstituzionala berrituko du erkidegoei galdetu gabe
Talde parlamentario guztiek, PPk izan ezik, berritzearekin jarraitzea adostu dute. Garcia Escuderok kexa bat aurkeztu du txostena "presaz" onartu dutelako.
Erredakzioa
Senatuak Auzitegi Konstituzionala berritzeko hautagaiak onartzea ez die erkidegoei eskatuko eta aurrera jarraituko du lau magistratuen berriketarekin.
Talde parlamentario guztiek, PPk izan ezik, berritze prozesuarekin jarraitzea adostu dute.
Pio García Escudero PPko bozeramaleak kexa bat aurkeztu du bere talde parlamentarioaren partez, txostena "presaz" onartu dutelako.
"Bi urte eta erdian blokeoa ezarri ostean, presak etorri zaizkio PSOEri, PPren hautagaiei betoa jarri nahi zielako. Orain, ikusi dugun bezala, PSCk eta Montillak estututa, presaka ibili behar gara", adierazi du Garcia Escuderok.
Carmela Silva PSOEko bozeramaleak adierazi duenez, PPk eskatuta egin duten zerbitzu juridikoen txostena "argia eta erabakigarria" da eta ez dago "inolako interpretazioentzako lekurik".