Politika -
Presoak
Ibon Fernandez Iradiren kasua berriz aztertuko dute Parisen
Esklereosi anizkoitza duela eta aske uzteko eskaera epaile berriez osatutako epaimahai batek aztertuko du, azaroaren 24an.
eitb.eus
Ibon Fernandez Iradi preso gaixoaren kasua berriz aztertuko dute azaroaren 24an Parisen, lasartearraren senideek eta abokatuk gaur iragarri dutenez. Espetxealdia bere gaixotasunarekin bateragarria zela ebatzi zuen epaia deuseztatu eta eskaera berraztertzea erabaki zuen Kasazio Gorteak ekainaren 22an.
Esklerosi anizkoitza du aspaldidanik eta 2013an hura askatzeko abiatu zuten prozeduran hainbat gorabehera izan dira. Oso prozedura geldoa izaten ari direla salatu dute abokatuek eta familiak eta behin betiko erabaki bat nahi dute.