Gasteizko 'herri harresiko' 8 auzipetu ez dira epaiketara joango

2015eko maiatzean Gasteizko 'herri harresian' parte hartzea egotzita auzipetuta dauden zortzi lagun ez dira astearte honetan egitekoa den epaiketara joango. 'Herri harresi' horretan, Alaia Zaldibar, Igarki Robles eta Ibon Esteban gazteak atxilotu zituzten.

Gasteizko Harresia taldeak jakinarazi duenez, zortzi auzipetuak ez dira gaur Gasteizko Zigor-arloko 1. Epaitegian egitekoa den epaiketara agertuko, eta elkarretaratzea deitu dute 12:30ean epaitegiaren atarian, beraien erabakiaren inguruko xehetasunak emateko.

Talde horren esanetan, prozedura horren jatorrian desobedientzia ekintza bat dago. Auzipetuek azalpenak emango dituzte gaur auzitegiaren atarian, eta epaimahaiak zer egin erabaki beharko du.

Fiskaltzak bederatzi eta 12 hilabete bitarteko zigor eskaera egin du auzipetuentzat.