Politika -
Otsailean aske utzi zuten
Arantza Zuluetaren aurkako 'mendeku eta jazarpen asmoa' salatu dute
Datorren asteartean Auzitegi Nazionalean izango da berriro Zulueta, abokatuari babesa erakusteko plataformak kritikatu duenez.
AGENTZIAK | ERREDAKZIOA
Arantza Zulueta abokatua Auzitegi Nazionalaren epailearen aurrean izango da berriro datorren asteartean. Horren harira, haren abokatu Jone Goirizelaiaren esanetan, "zentzugabekeria" litzateke Zulueta berriro espetxeratzea. Hori dela eta, deklarazio berri hori "izapide arrunta" izatea espero du Goirizelaiak.
Zulueta Auzitegi Nazionalera berriro joan behar izate hori salatzeko, prentsaurrekoa egin dute Bilbon Goirizelaiak eta Zuluetari babesa erakusteko plataformak
Abokatua joan den otsailaren 24ean utzi zuten aske. Oraingoan, AVTk Zulueta "berriro kartzelatzea eskatu du, 2010ean hasiera emandako beste prozedura bati erreparatuta".
Zuluetaren abokatuaren iritziz, "hura berriro espetxeratzeko saiakera hori bakarrik uler dezakegu mendeku eta jazarpen asmo batetik".
