Jauregi gogoan, "etorkizun baketsu eta aske bati begira"

Juan Mari Jauregi Gipuzkoako gobernadore zibil ohiaren senideek eta lagunek bere oroimena gogorarazi dute gaur ETAk hil zuela 10 urte bete direnean; etorkizunean "bakeari eta askatasunari" begira egin dute gainera.

Maixabel Lasa Jauregiren alargunak eta terrorismoaren biktimei laguntzeko zerbitzuaren zuzendariak Tolosako Biktimen Eremuan (Gipuzkoa) egindako ekitaldiari hasiera eman dio; bertan izan dira, besteak beste, Jose Manuel Rodriguez Uribes terrorismoaren biktimei laguntzeko zuzendari nagusia, Mikel Cabieces Gobernuko ordezkaria EAEn, Rodolfo Ares Herrizaingo sailburua eta Jokin Bildarratz Tolosako alkatea.

Juan Mariren alargunak "azken 10 urteotan terrorismoaren biktimen oroimenari dagokionez euskal gizarteak jasandako aldaketak" azpimarratu ditu. Dena den, "ez da, eta ez da izan bide erraza"; izan ere, badago oraindik biktimen gerturatze publikoarekin eroso ez dauden hainbat sektore".

Bestalde, Rodolfo Ares Eusko Jaurlaritzako Herrizaingo sailburuaren hitzetan, "terrorismoarekin betiko bukatzeko helgumatik hurbil gaudela esan diezaiokegu biktima guztiei".

Tolosan izan diren senideen eta lagunen artean ez da fisikoki egon Nerea, bai, ordea, hitzaldian; izan ere, lau egun bete ditu Juan Mari Jauregiren bilobak eta "etorkizuneko ikurra bihurtu da".

Lasaren hitzetan, gaurko ekitaldiak ziklo bat itxi du eta aurrerantzean urriaren 10ean, Memoriaren egunean, hartuko dute gogoan senide eta lagunek Gipuzkoako gobernadore izan zena, eta terrorismoaren beste biktimak.

Erandion beste omenaldi bat egin dute

Arantza Asla Fabio Morenoren amaren hitzetan, semea hil zutenei ez die "inoiz" barkatuko; ETAk 1991ean hil zuen bi urteko umea Erandion.

"Niri gertatutako gauza bera edo zorigaitzen sufrimendua pairatzea desiratzen nien hasiera batean, baina dagoeneko ez. Soilik ez diet bakartzen", esan du.

Arantza Asla hunkituta agertu da Erandioko Udalak terrorismoaren biktimei egindako omenaldian, besteak beste, Fabio Morenori eta Emilio Fernandez Arias itsas brigadari. Azken hau 1982an hil zuen ETAk.

Omenaldian margolan bat aurkeztu dute "beti bizirik" lore baten irudiarekin (terrorismoagatik kaltetuak izan direnen ikurra); jarraian, adierazpen instituzional bat irakurri dute udalaren kanpoaldean. Horretan, terrorismoaren biktimekin hartutako "zor historikoa" garbitzeko asmoa azaldu dute; izan ere, "orain arte ezezagunak izan dira".