'Abertzale' hitzaren definizioa zuzentzea eskatu dio EAk RAEri

''Abertzale'' hitzaren definizioa zuzentzea eskatu dio Eusko Alkartasunak Espainiako Hezkuntza Akademiari (RAE), "nazionalista erradikala" bezala definitzen duelako eta "gaitzusteko eta maltzurra den irakurketa politikoa" delako. Horrela definitzen du: euskal mugimendu politiko eta soziala eta bere jarraitzaileak: nazionalista erradikala.

Juanjo Agirrezabalagarentzat, Eusko Legebiltzarreko EAren bozeramailearentzat, definizio hori "larria" da. Bere ustez, "herrizale edo nazionalista" bezala itzultzea da egokiena. Bozeramailearen esanetan, RAEk "bere funtzioetan neurria gainditu du" ''abertzale'' hitza "erradikala" bezala definituz.

"RAEk ez du analisi semantiko edo linguistikorik egin, baizik eta politikoa, eta gainera, era gaitzustean eta maltzurran egin du", Agirrezabalagaren arabera.