EArentzat "ezinbestekoa" da abertzaleen batasuna

Maiorga Ramirez Eusko Alkartasuneko Nafarroako koordinatzaileak baieztatu duenez, "herrialde moduan aurrera egiteko, ezinbestekoa da abertzaleen arteko elkarlana", "Euskal Herrian elkarrekin lan egiten duten espainiar nazionalisten" aurrean.

Euskadi Irratian eskainitako elkarrizketa batean, ezker abertzalearekin sinatutako manifestua, bere ustez, "bide baketsuak, zibilak eta politikoen bidez Euskal Herriak autodeterminazioa lortzeko jarraibideak" ezartzen dituela azpimarratu du Maiorgak. "Eusko Alkartasunean eta gizarte osoan ilusio handia sortu duen akordioa", gaineratu du EAko agintariak.

Ramirezek adierazi duenez, Nafarroako Eusko Alkartasuna 2011ko foru eta udal hauteskundeetaz arduratuta dago.