Politika -
Katalunia
Ortuzar Puigdemontekin bildu da gaur Gironan
Kataluniako eta Euskadiko egoera politikoak izan dituzte hizpide, eta urriak 1a baino lehen eta horren ostean "hitz egiteko beharra" dagoela azpimarratu dute.
AGENTZIAK | ERREDAKZIOA
Carles Puigdemont Generalitateko presidentea eta Andoni Ortuzar EAJren EBBko presidentea Gironan bildu dira larunbat honetan, eta Kataluniako eta Euskadiko egoera politikoak izan dituzte hizpide.
Ekitaldi solidario batean parte hartuko du asteburu honetan Ortuzarrek Gironan, eta Twitterren adierazi duenez, "U-1a baino lehen eta geroago ere eztabaida beharrezkoa da".
Buruzagi jeltzaleak esan duenez, ordubeteko bilera izan da, eta "U-1eko erreferendumaren alde Gure Esku Dagok gaurko Bilbon deitutako manifestazioan EAJren ordezkaritza zabala" izango dela jakinarazi dio Puigdemonti.
"Euskadiko eta Kataluniako egoera politikoa aztertu dugu, eta urriaren 1a baino lehen eta ondoren eztabaida beharrezkoa dela adostu dugu", gaineratu du Ortuzarrek.
