Andoaingo Udala herri-akusazioa izango da Pagazaurtunduaren auzian

Andoaingo Udala herri-akusazio izango da Joseba Pagazaurtunduaren ustezko hiltzaileen aurkako epaiketan. Aipatu udalerriko udaltzainburu izan zen Pagazaurtundua eta 2003ko otsailaren 8an hil zuen ETAk.

Estanis Amutxastegi (PSE-EE) Andoaingo alkateak agiri batean adierazi duenez, talde sozialistaren, talde mistoaren eta PPren aldeko eta EAJren aurkako botoekin onartu dute proposamena. Andoaingo alkateak "lotsagarritzat" jo du EAJren ezezkoa.

"Euskadiko kaleetan pistolak eta lehergailuak nagusi zirenean, Joseba gizon ausarta izan zen, errebelde eta irmoa izan zen ETAren aurka, isiltasuna madarikatu zuen eta beste alde batera begiratzen zuen gizartearen alde horren aurka egin zuen", gogoratu du alkateak. "Gaur, urte batzuk beranduago, ezin da ulertu EAJk gainerako talde politikoekin bat ez egitea, Andoaingo kaleetan hil zuten bizilagun batentzat justizia eskatzeko", gaineratu du. Gainera, Udalak "zor bat kitatu" nahi du, bere ustez.

"Joseba Pagazaurtunduarentzat justizia eskatzeko behar morala dugu, bere galera erreibindikatzeko modu bat bezala", esan du.