Politika -
U-12
Ultraeskuineko bi taldek istiluak eragin dituzte Bartzelonan
Bi talde neonazik borroka egin dute, elkarri aulkiak jaurtita. Polizia bat zauritu da.
AGENTZIAK | ERREDAKZIOA
Ultraeskuineko bi taldek liskarrak eragin dituzte Bartzelonako erdigunean, Hispanitatearen manifestazioaren ondoren, elkarri aulkiak botatzen hasi baitira. Ondorioz, Zurich taberna ospetsuak itxi egin behar izan du, eta neonaziek terraza suntsitu diote.
Antza denez, borrokan parte hartu dutenak bi futbol taldetako zale erradikalak dira.
Bartzelonako Udalak jakinarazi duenez, udaltzain bat arin zauritu da, liskarren ondorioz.
Orotara, Esquadra Mossoek 25 pertsona identifikatu dituzte, borrokarekin lotura dutelakoan.
Gainera, 09:30ean, Mossoek beste 30 pertsona identifikatu dituzte eta debekatuta dauden hainbat arma eta bandera falangistak atzeman dizkiete.
