Ibarretxe: 'Espainia ondo izatea Euskadirentzat nahitaezkoa da'

Espainia ekonomikoki ondo izatea Euskadirentzat eta Kataluniarentzat "nahitaezkoa" dela esan du gaur Juan Jose Ibarretxe lehendakariak. Ibarretxeren ahotan, "begi-kolpe mugatua dutenak bakarrik auzokoaren zoritxarrarengatik poztuko lirateke".

Europako ekonomia arrakastatsuei buruz Europako Parlamentuan egindako mintegian parte hartu du lehendakariak gaur, Bruselan. Euskadi eta Katalunia "Espainiaren eta Frantziaren kontra" ezin daitezkeela eraiki adierazi du, eta "harreman bikainetan" finkatutako eredu bat defendatu du, Europar Batasuneko nazio guztiek euren proiektuak garatzeko aukera izan dezaten.

Hitzaldi polemikoa agindu du lehendakariak. Horrela, munduko orden berria gogor kritikatu du Ibarretxek, "pobrezia globalizatzen duelako, eta ez garapena, indarkeriak zabaltzen dituelako, eta ez giza eskubideak". Horren adibide gisa "Irakeko gerra ergela" jarri du agintari ohiak.

Jose Luis Rodriguez Zapateroren Gobernua aipatu gabe, Espainiak hartu berri dituen zenbait neurri kritikatu ditu jeltzaleak, murrizketa sozialak eta funtzionarioen soldaten jaitsiera esaterako.