Politika -
PSOEren Batzorde Federala
Zapatero: 'PPkoen aurpegiak ikusita, aldaketekin asmatu dugu'
"Hauteskundeak galtzen dituen bakoitzean, eta horretan trebea da, alderdi berri bat eskatzen du", esan du Zapaterok Rajoyri buruz, eta horiek "egokitzen denean" izango direla baieztatu du.
Erredakzioa
Espainiako Gobernuko presidentearen hitzetan, "PPkoen aurpegiak ikusi besterik ez dago Exekutiboko aldaketekin asmatu egin dugula jakiteko'', eta horiek burutzea eskatu diotela onartu du.
"Badakigu zein den euren iritzia. PPkoen aurpegiak ikusita, argi dago Gobernu aldaketarekin asmatu egin dugula", adierazi du Zapaterok aurreko eguneko irudiak gogora ekarriz. Maria Dolores de Cospedal PPko idazkari nagusiak eta Javier Arenas Andaluziako antolakuntza presidenteak ministro izendatu berrien "etorkizun politikoa" azpimarratu zuten orduan, kamera batek grabatzen zituela konturatu gabe.
PSOEren Batzorde Federalean hartu du hitza Zapaterok eta Mariano Rajoy oposizioko burua izan du jomuga. "Hauteskundeak galtzen dituen bakoitzean, eta horretan trebea da, alderdi berri bat eskatzen du", esan du Zapaterok Rajoyri buruz, eta hauteskundeak "egokitzen denean" izango direla baieztatu du. Horren harian, lau urteko agintaldia bukatzeko asmoa duela adierazi du.
Gobernuak eta PSOEk erreformak egiteko, susperraldi ekonomikoa sendotzeko eta hauteskundeak -2011ko maiatzeko autonomikoak zein 2012ko orokorrak- irabazteko urtebete duela azpimarratu du Zapaterok.