Politika -
Guardia zibilei epaiketa
Guardia zibilen aurkako froga batek ETAko biktima baten sinadura dauka
Portu eta Sarasola atxilotu zuen polizia taldeak aurkeztutako autopistako ordainlekuko egiaztagiriek ez datoz bat auzipetuek gertakizunen ordutegiei buruz emandako bertsioarekin.
Erredakzioa
Igor Portuk eta Mattin Sarasolak pairatu zituzten ustezko torturen inguruko epaiketan, Gipuzkoako Auzitegiko Fiskaltzak froga gisa aurkeztutako autopistako ordainlekuko egiaztagiriak Isaias Carrasco zinegotzi sozialista ohiak sinatu zituen; bi hilabete beranduago ETAk Carrasco hil zuen.
Gipuzkoako Auzitegian 15 guardia zibilen aurkako ustezko torturen inguruko epaiketako laugarren egunean, Carrascok epaitzen diren gertakizunetan izan zuen nahigabeko parte-hartze paradoxikoa jakitera eman dute.
2008ko urtarrilaren 6an, Arrasaten Portu eta Sarasola atxilotu zituzten guardia zibilak zinegotzi sozialista ohiak lan egiten zuen autopistako ordainlekutik igaro ziren, eta kasualitatez, atxilotuak Intxaurrundoko koartelera eraman zituen guardia zibilen taldeak bere kabinatik pasa ziren.
Hori dela eta, Fiskaltzak akusatuen bertsioa gezurtatzeko aurkeztutako egiaztagiriak Carrascok sinatu zituen. 2008ko martxoaren 7an ETAko beste talde batek Carrasco hil zuen Arrasaten bere etxetik lanera joateko atera zenean.