Politika -
Kale indarkeria
Kutxazain bati eraso zion gazte baten argazkiak zabaldu dituzte
Urriaren 20an, aurpegia estalirik zeraman lagun batek Errenteriako Viteri kaleko kutxazain bati su eman zion.
Erredakzioa
BBVAk Errenterian duen kutxazainaren aurkako erasoaren egilea atxilotzeko, herritarren laguntza eskatu du Ertzaintzak. Horretarako, erasoaren uneko bideoa eta egilearen argazki bi zabaldu ditu.
Herrizaingo Sailak zabaldu duenez, urriaren 20an kale borrokaren eraso larri bat jazo zen Errenterian (Gipuzkoa), 18:30 aldera. Gazte batek BBVAren banketxe bateko kutxazaina erre zuen, Viteri kalean.
Hiru pertsona zeuden banketxe barruan kutxazaina erre zutenean, eta bulegoan babestu behar izan zuten sugarretatik.
Ertzaintza gertatutakoaren egilea nor den ikertzen ari da. Hori dela eta, erasoaren uneko bideoa eta egilearen argazki bi zabaldu ditu.
