Erakundeetara itzultzeko Batasunaren saiakerak ikertzen ari dira

Batasuna erakundeetara itzultzeko egiten ari den saiakera duela hilabete batzuk ikertzen hasi zen Fiskaltza, izan ere, udal-hauteskundeetan parte hartu nahi du legez kanpo utzitako alderdiak. Dagoeneko Poliziaren hiru txosten ditu Fiskaltzak, Ministerio Publikoko iturriek jakitera eman dutenez.

Auzitegi Nazionaleko Fiskaltzak lana antolatzeko ardura hartu du, izan ere, organo horren aurrean premiazko neurriak eskatu beharko lituzkete. Baina Auzitegi Goreneko Fiskaltza ere esku hartzen ari da, Alderdien Legea aplikatzeko prozedurak azken horren eskumena direlako.

Batasuna maiatzeko hauteskundeetara aurkezten saiatuko dela ondorioztatu dute Polizia Nazionalak, Guardia Zibilak eta Ertzaintzak egindako txostenek, baina hori berririk ez dela azpimarratu dute iturriek, izan ere, ezker abertzaleko buruzagiek publikoki onartu dute.

Ikerketaren barnean bakarrik Poliziaren txostenak ez daude, Txelui Morenoren adierazpen publikoak eta Barne Ministerioko Alderdien Erregistroak aurkez ditzakeen berritasunak ere ikerketaren parte dira.

Batasuna alderdi berri baten bidez hauteskundeetara aurkezteko hipotesiaz gain, ezker abertzaleko zenbait kide legezko alderdi baten zerrendetan txertatzeko aukera ez du baztertu Fiskaltzak.