Politika -
Hitz polemikoak
Felipe Gonzalezen hitzak Legebiltzarrera helduko dira ostiralean
Adierazpenei buruz galdetuko dio EAJk Patxi Lopez lehendakari. Aralarrek Gonzalezen agerraldia eskatu du Legebiltzarrean.
Erredakzioa
Iragan asteburuan Felipe Gonzalez presidente ohiak egindako adierazpenei buruz galdetu egingo diote jeltzaleek Patxi Lopez lehendakariari ostiraleko Legebiltzarreko osoko bilkuran.
Joseba Egibar EAJko bozeramaileak sinatutako ekimenaren arabera, ETAren aurkako politikari buruz Gonzalezek egin zituen adierazpenen inguruko iritzia eskatuko diote lehendakariari.
Ostiralean egingo duten osoko bilkurako lehenengo puntua izango da.
Bestalde, Aralarrek Felipe Gonzalezen agerraldia eskatu du Legebiltzarreko Giza Eskubideen Batzordearen aurrean. Ekimenean, Mikel Basabe legebiltzarkideak eskatu du azaldu dezala "zer esan nahi zuen" ondorengo hitzak esan zituenean: "Tuve que decidir si se volaba a la cúpula de ETA. Dije no. Y no sé si hice lo correcto".
