Publizitatea
Itxi

2018/02/08

20:49

Politika

Koldo Mitxelena Kulturunea

'Oroimen Izpiak', ETAren terrorismoaren inguruko artearen gogoeta

Agentziak | Erredakzioa

Eduardo Nave, Jose Ibarrola, Iñaki Olazabal, Alex Carrascosa, Mikel Zatarain eta Javier Balda artistek parte hartu dute, Gipuzkoako Aldundiak bultzatutako erakusketan.

  • Bi bisitari 'Oroimen Izpiak' erakusketan, Donostiako Koldo Mitxelena Kulturunean. Argazkia: EFE

    Bi bisitari 'Oroimen Izpiak' erakusketan, Donostiako Koldo Mitxelena Kulturunean. Argazkia: EFE

  • Whatsapp
  • Whatsapp
  • Telegram
  • Bidali

Sei artistak ETAren terrorismoaren inguruko gogoeta egin dute erakusketa batean, biktimen duintasuna bizirik mantentzeko eta indarkeria urte beltzen orrialdea ez pasatzeko. Erakusketa Donostiako Koldo Mitxelenea Kulturunean zabaldu dute gaur.

'Oroimen Izpiak' erakusketa arratsaldean ireki dute, Joseba Pagazaurtundua Andoaingo (Gipuzkoa) Udaltzaingoaren buruzagia ETAk Daytona tabernan hil zuela 15 urte bete direnean. Goizean, erasoa gertatu zen ordu berean, Eduardo Navek proiektuaren azken argazkia atera du bertan.

Valentziako artistak erakusketako beste 35 irudi atera ditu. 2008tik 2013ra arte argazkiak atera ditu espazio hutsetan, azken bost hamarkadetan ETAk noizbait atentatuak egin dituen tokietan; Madril, Sevilla, Valentzia, Zaragoza, Santander, Donostia eta Espainiako beste hiriburu eta herrietan, baita Capbretonen (Frantzia) ere.

50 urteko terrorismoa

Era berean, Jose Ibarrola, Iñaki Olazabal, Alex Carrascosa, Mikel Zatarain eta Javier Balda artistek parte hartu dute, Gipuzkoako Aldundiak bultzatutako erakusketan. ETAren 50 urteko terrorismo ibilbidea gogora ekarri nahi dute artistek. Jose Antonio Pardines guardia zibila lehen biktima izan zen 1968ko ekainaren 7an.

'Oroimen Izpiak. Artea eta hitzak, ETAren basakeriari aurre' erakusketa apirilaren 21era arte bisitatzeko aukera izango da. Aldi berean, tailerrak, elkarrizketak eta mahai-inguruak antolatu dituzte. Horietan artistek, Edurne Portela, Fernando Savater, Felipe Juaristi eta Iban Zaldua idazleek eta Ruben Mugica, Alfonso Sanchez, Gorka Landaburu eta Andoitz Korta biktimek parte hartuko dute.

Aintzane Ezenarro Gogora Institutuko zuzendariaren eta Florencio Dominguez Terrorismoaren Biktimen Memoriarako Zentroaren Fundazioko zuzendariaren arteko elkarrizketa martxoaren 28an izango da.

28an izango da.

  • Bisitatuena

      Kargatzen ikusiena
      Kargatzen ikusiena