Politika -
Auzitegi Nazionalean
Eguigurenen emazteak AVTri: 'Hiltzen gaituztenean ez negarrik egin'
"Gu dagoeneko hil gaituzue", erantzun dio Angeles Pedraza AVTko presidenteak Rafaela Romero Gipuzkoako Batzar Nagusietako presidenteari eta PSEko presidentearen emazteari.
Erredakzioa
Angeles Pedraza Terrorismoaren Biktimen Elkarteko (AVT) presidenteak eta Rafaela Romero Gipuzkoako Batzar Nagusietako presidenteak eta Jesus Eguiguren PSEko presidentearen emazteak haserrealdia izan dute Eguigurenek Auzitegi Nazionalean Arnaldo Otegiren epaiketan deklaratu ostean.
"Deklarazioa amaitu duenez, emaztea altxa egin da, niregana etorri da, besoan bi kolpe eman dizkit eta hurrengoa esan dit: ''Hiltzen gaituzten egunean ez negarrik egin''". Nik beste oihu bat eman diot eta esan diot: ''Zuek dagoeneko hil gaituzue''", adierazi die Pedrazak kazetariei.
AVTko presidenteak azaldu duenez, "azken hilabeteetan Batasunaren konplizea izan den Eguigurenen hitzak entzutera" joan da epaiketara eta Fernando Garcia Nicolas auzitegiaren presidentearen jarrera goraipatu du; izan ere, Pedrazaren ustez, galdera gehienak desegokiak zirela esatean "ez dio Eguigureni Otegiri laguntzen utzi".
"Agintean nor dagoen argi gelditu da gaur", esan du Pedrazak.
Rafaela Romerok, bestalde, senarrak deklarazioa amaitu bezain laster alde egin du eta, hortaz, ezin izan dute Gipuzkoako Batzar Nagusietako presidentearen gertakariari buruzko iritzik jaso.