Puigdemont inbestitzeko bidea 'errazteko' prest azaldu da CUP

CUPeko buruak ohar baten bidez esan duenez, Kataluniako egoera larria da eta "presidentearen legezkotasuna indartu behar da berehala".

Carles Riera CUPeko burua. Argazkia: Forta

AGENTZIAK | ERREDAKZIOA

azken eguneratzea: 2018/03/25 22:01 (UTC+2)

Kataluniako Parlamentuko Mahaian sartzeko bere burua eskaini du CUPek Carles Puigdemonten balizko inbestidura "errazteko" helburuz. Carles Riera CUPeko buruak ohar baten bidez esan duenez, egoera larria da eta "presidentearen legezkotasuna indartu behar da berehala".

Gainera, aktore politiko demokratiko guztiekin "Eskubide Zibil eta Politikoen aldeko Ituna Nazionala" sortzeko proposamena ere egin du CUPek, eta "herrialdea gelditzea Katalunian dagoen salbuespen egoera salatzeko".

Azkenik, Gobernuko Ordezkaritzan izandako istiluetan Esquadra Mossoen "indarkeria poliziala" salatu du CUPek, eta gaur izandako mobilizazioak babestu ditu, eta atxilotuei elkartasuna adierazi.

Hau zure interesekoa bada, baliteke beste gai hauek ere izatea

Katalunia egoera politikoa Alderdi politikoak bideoak Gaurko azken orduko albistea Pere Aragonès argazkiak CUP

Puigdemont inbestitzeko bidea 'errazteko' prest azaldu da CUP

Esteka kopiatuta