Politika -
Presoak
Josetxo Arizkuren ETAko presoa ospitalea utzi eta Murtziako espetxera itzuli da
EFE agentziaren arabera, bihotzeko arazo bategatik eraman zuten atzo erietxera. Preso iruindarra gaixotasun larriak dituzten presoen zerrendan dago.
AGENTZIAK | ERREDAKZIOA
Josetxo Arizkuren Ruiz, Kantauri, ETAko presoa espetxera itzuli da gaur (asteartea), atzo Murtziako Virgen de la Arrixaca ospitalera eraman ostean, EFE agentziak iturri ofizialak aipatuta zabaldu duenez.
Iturri horien arabera, bihotzeko arazo bategatik eraman zuten erietxera, 15:00ak aldera.
Ospitaleak ez du ETAko presoak jasotako tratamenduaren berri eman, gaixoen informazio pribatua argitaratzeko debekua dela eta.
Gaixotasun larriak dituzten euskal presoen artean dago Arizkuren. Etxeratek bere garaian azaldu zuenez, Iruñeko presoak kardiopatia iskemiko larria dauka.
Arizkuren Murtziako Campos de Rio espetxean ari da kartzela-zigorra betetzen.
