Publizitatea
X

Irratia zuzenean

Salaketa Llarena epailearen aurka: Puigdemont eta kontseilari ohien salaketa

Politika

Katalunia

Puigdemontek eta kontseilari ohiek Llarenaren aurkako salaketa aurkeztu dute

agentziak | erredakzioa

2018/06/06

Epaileak irailaren 4an deklaratu beharko du Belgikan, kontseilari ohien abokatuetako batek esan duenez. Epailea auzitik kentzea eskatu dute, haien ustean ez delako "inpartziala".

  • Puigdemont, Puig eta Ponsatirekin, Bruselan. Artxiboko argazkia: EFE

    Puigdemont, Puig eta Ponsatirekin, Bruselan. Artxiboko argazkia: EFE

    Puigdemont, Puig eta Ponsatirekin, Bruselan. Artxiboko argazkia: EFE
  • Whatsapp
  • Bidali

Carles Puigdemont presidentea eta Belgikan dauden Generalitateko kontseilari ohiek Pablo Llarena epailearen aurkako salaketa zibila aurkeztu dute, eta Espainiako Auzitegi Gorenean horren ezespena eskatu dute.

Christophe Marchand salatzaileen abokatuetako batek adierazi zuenez, Belgikako Justiziak Llarenak irailaren 4an deklaratzera joatea eskatuko dio, baina esan zuen ez dakiela noiz jasoko duen Llarenak horren deialdia.

Llarena epailea ez da "haien errugabetasun-presuntzioa" errespetatzen ari "ez delako inpartziala", eta horregatik abiarazi dituzte prozedura judizialak Belgikan eta Espainian, esan zuen Toni Comin kontseilari ohiak, Belgikan dauden gainerakoekin egindako prentsaurreko batean.

Clara Ponsatik, Eskoziatik, eta Carles Puigdemontek, Alemaniatik, bideokonferentziaz parte hartu zuten.

Bostek salaketak jartzeko eskubidea dute Belgikan, abokatu taldearen hitzetan, Llarenaren aurkako salaketa aurkezteko epailearen adierazpenetan oinarritu dira, eta hitzok 2018ko otsailaren 22an esan zituen, alegia, horiek guztiak Belgikan zeudenean.

"Ez gaitu Justiziak jazarri, baizik eta epailearen ideologiak", gaineratu zuen Carles Puigdemontek.

 

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena