Politika -
Bisita
Rubalcabak Euskadin emango dio amaiera urte politikoari
Besteak beste, enpresaburuekin eta bi Exekutiboetako segurtasun arloko ordezkariekin batzartuko da Gobernuko lehen presidenteordea.
Radio Euskadi
Alfredo Perez Rubalcaba Espainiako Gobernuko lehen presidenteorde eta Barne ministroak Euskadin emango dio amaiera urte politikoari.
Radio Euskadik jakin izan duenez, Rubalcaba hainbat sektoretako ordezkariekin batzartuko da, hala nola enpresaburuekin eta Espainiako Gobernuko eta Jaurlaritzako segurtasun arloko ordezkariekin. Gainera, Segurtasun Indarren hainbat zentro bisitatuko ditu.
Aipatu iturrien arabera, Rubalcabak Euskadiko ordezkari instituzionalekin eta politikariekin dituen harremanen baitan egingo du bisita.
Lehen aldia izango da Euskadira etorriko dela Gobernuko lehen presidenteorde izendatu zutenetik.