Politika -
IZENDAPENAK
Sanchezen Gobernuak Maria Jose Segarra proposatu du Estatuko fiskal nagusi kargurako
Ministroen Kontseiluak proposatu du orain arte Estatuko fiskal nagusi izan den Julian Sanchez Melgar ordezkatzeko.
AGENTZIAK | ERREDAKZIOA
Espainiako Ministroen Kontseiluak Maria Jose Segarra —orain arte Sevillako buru izan dena— proposatu du Estatuko fiskal nagusi kargurako, Julian Sanchez Malgar ordezkatuz.
Izendapena berresteko, Botere Judizialaren Kontseilu Nagusiaren aldeko txostena izan eta Diputatuen Kongresuko tramitea gainditu beharko du.
1963an jaioa, UPF fiskal aurrerakoien elkarteko kidea da Dolores Delgado Justizia ministroaren moduan. Joan den apirilean, Delgadorekin batera Fiskalen Kontseiluko kide aukeratu zuten.
Azken 14 urteetan Sevillako fiskalburua izan da. Candido Conde Cumpidok proposatu zuen kargurako eta birritan berritu diote.
Consuelo Madrigalen atzetik bigarren emakumea litzateke Estatuko fiskal nagusi karguan.