Politika -
JAIOTZA
Irene Montero sei hilabeteko zegoela erditu da bikiez
Sei hilabeteko zegoela jaio dira eta behaketa gelan daude; ama, berriz, ondo dago. Irene Montero eta Pablo Iglesias Podemoseko buruzagiek martxoan iragarri zuten bikiak izango zituztela udazkenean.
AGENTZIAK | ERREDAKZIOA
Irene Montero Unidos Podemosek Espainiako Diputatuen Kongresuan duen bozeramailea sei hilabeteko zegoela erditu da bikiez, alderdi moreko iturriek jakinarazi dutenez.
Aipaturiko iturrien arabera, bi jaioberriak Madrilgo ospitale publiko bateko behaketa gelan daude, eta ama ere ondo dago.
Pablo Iglesias Podemoseko idazkari nagusiak eta Irene Monterok martxoan iragarri zuten bikiak izango zituztela udazkenean, Facebook sare sozialean argitaratutako bi mezuren bitartez. Orduan iragarri zutenez, haurrak irailean edo urrian jaiotzea aurreikusten zuten.
Montero azken egunera arte aritu da lanean; izan ere, atzo bertan, RTVEko administrazio kontseilua berritzeko Kongresuan egin zen osoko bilkuran parte hartu zuen.