Politika -

IRUÑEA

Fiskaltzak Ahotsa.info-ren aurkako ikerketa abiatu du, terrorismoa goratzea egotzita

EPPKko kideak 'preso politiko' izendatzeagatik hasi du ikerketa Auzitegi Nazionalak. Ahotsa.info-ko kide bat komisaldegira deitu dute, baina deklaratzeari uko egin ostean, aske gelditu da.

Ahotsa.info-ko kideak Iruñean. Argazkia: @AhotsaInfo
Ahotsa.info-ko kideak Iruñean. Argazkia: @AhotsaInfo
Ahotsa.info-ko kideak Iruñean. Argazkia: @AhotsaInfo

EITB.EUS

Whatsapp Facebook Twitter Telegram Email

Ahotsa.info atariko kide bat deklaratzera deitu dute gaur goizean Espainiako Poliziaren Iruñeko egoitzara, terrorismoa goratzea egotzita. Deklaratzeari uko egin ostean, ordea, aske gelditu da.

Hedabideak ohar bidez azaldu duenez, Auzitegi Nazionaleko Fiskaltzak Ahotsa.info-ren aurkako ikerketa abiatu du, 2018ko urtarrilaren 5ean eta 13an argitaratutako bi albisterengatik.

Albiste horietan "euskal preso politikoak" deitzen zitzaien Euskal Preso Politikoen Kolektiboko (EPPK) kideei. Hedabideak salatu dutenez, "Hori da oraingo honetan Ahotsa.info komunikabidea erasotzeko erabili duten aitzakia".

Espainiako Gobernuak Nafarroan duen Ordezkaritzak, bere aldetik, zitazioa baieztatu du, baina ez du bestelako xehetasunik eman.

Hau zure interesekoa bada, baliteke beste gai hauek ere izatea
Auzitegi Nazionala berriak Politika albisteak Iruñea Nafarroa gaur Presoak argazkiak Albisteak Gaur Eguneko albisteak