'Santi Potros'i ongietorria emateko pankarta bat kendu du Ertzaintzak Lasarten

Santiago Arrospide Sarasola 'Santi Potros'i ongietorria emateko ezezagun batzuek Lasarten eskegitako pankarta bat "gutxienez" kendu du igande eguerdian Ertzaintzak. Salamancako Topas espetxetik atera da Arrospide igandean, 31 urteko kartzela-zigorra bete ostean.

Segurtasun Sailak jakinarazi duenez, Lasarten Hipodromoa etorbidean jarritako pankarta bat kendu du Ertzaintzak igande eguerdian, 14:00ak aldera.