Batasuna: 'Bakerako bidean pauso atzeraezina eman du ETAk'

Ezker abertzalearen hitzetan, "garrantzi handia" dauka ETAk gaur plazaratu duen agiriak, "aurrekaririk gabekoa" baita. "Prozesu demokratikoa garatzeko eta bakea lortzeko" aukera emango du, Ezker abertzalearen ustez; izan ere, "bakerako bidean pauso atzeraezina eman du ETAk".

Txelui Morenok, Marian Beitialarrangoitiak, Rufi Etxeberriak eta Miren Legorburuk ETAko agiriaren harira iritzia emateko agerraldia egin dute Donostian.

Ezker abertzalearen hitzetan, ETAren "alde bateko" erabakia "ausarta eta historikoa" da, eta fase politiko berri bat zabaltzeko aukera emango du.

Bestalde, "nazioarteko komunitateak eta Gernikako Akordioak eskatutakoari era positiboan erantzun dio".

"Prozesu demokratikoa garatzeko" balioko du ETAren pausoak, ezker abertzalearen ustez, eta alderdi politikoei "edukia ez gutxiesteko" eskatu die.