Politika -
Heriotza
Josu Goia ezker abertzaleko kide historikoa hil da
Herri Batasuna lehen Mahai Nazionaleko kidea, Nafarroako lehenetariko parlamentaria eta Berako alkatea 71 urterekin zendu da.
eitb.eus
Josu Goia zendu da, ezker abertzaleko kide historikoa. Herri Batasunaren lehenengo Mahai Nazionalean parte hartu zuen.
1947an jaio zen Goia, Beran (Nafarroa). Bertako alkatea izan zen Euskal Herritarrok alderdiarekin, 1999tik 2003ra. Urte horretan, Beraginez hautagaitzako zerrendaburua izan zen Nafarroako udalerrian, baina Auzitegi Gorenak legez kanpo utzi zuen.
Politikari nafarra Herri Batasunaren lehenengo Mahai Nazionaleko kidea izan zen, eta Nafarroako Parlamentuaren legebiltzarkidea 1979an.
Egin-eko Administrazio Kontseiluan parte hartu zuen, eta Gara egunkaria argitaratzen duen Euskal Komunikabideen Hedapenerako Elkarteko kontseilaria 2018ra arte.
Musikaria eta abeslaria ere izan zen, politikan sartu baina aurretik, baita idazlea eta eskultorea ere.
Igandean izango da hileta, 17:00etan, Beran.