ETAren zortzi biktimari omenaldia egin die Lasarteko Udalak

Terrorismoaren biktimentzat "oso garai zailak" datozela adierazi du Caty Romero Alfonso Morcillo Donostiako Udaltzaingoko sarjentuaren alargunak. Horregatik, ezker abertzaleari erakundeetara itzultzeko aukerarik ez emateko biktimak "isilik egon behar ez" direla esan du, "odol guzti horren gainean ezin daitekeelako herri berririk eraiki".

ETAko zortzi biktimari egindako omenaldian parte hartu ostean egin ditu adierazpenak Romerok. Lasarteko (Gipuzkoa) udalerriarekin lotutako zortzi biktima omendu dituzte gaur. Ekitaldian ordezkari politiko ugari eta biktimen senideak izan dira.

Terrorismoaren biktimei gertatutakoa "sekula ahaztu behar ez" dela errepikatu du Coviteko ordezkariak. "Gertatzen ari dena ikusita, isilik egoteko ordua heldu zaigula pentsa dezakete askok, horren beldur gara", ohartarazi du. "Biktimentzat garai oso zailak datoz", nabarmendu du.

Zentzu horretan, "hilketak babestu dituztenak erakundeetara itzuli ahal izateko, guk isilik egon behar gara, aukera hori emateko eta bakean bizi ahal izateko", kritikatu du. "Baina gauza bat argi dago, ezin daiteke herri berririk eraiki odolaren gainean. Hildako asko daude eta horietako batengatik borroka egitea merezi du", azpimarratu du.