Politika -
Operazioa Bilbon eta Galdakaon
Puellesen alarguna: 'Sortu ez da poztuko atxiloketekin'
Atxilotuko lau pertsonak Puellesen hiltzaileak direla baieztatuz gero, haientzako "zigor handiena" eta "kartzelaldia arintzeko neurririk ez" izatea eskatu du ETAk hildako poliziaburuaren anaiak.
Erredakzioa
Eduardo Puelles ETAk 2009an hildako poliziaburuaren alargunak, Francisca Mendezek, adierazi du Sortu ezker abertzalearen alderdi berria ez dela "poztuko" gaurko atxiloketekin, eta "lazgarri"tzat jo du EAJk legeztatu nahi izatea, hauteskundeen ostean "Gobernua osatu ahal izateko helburuz".
Gaur goizaldean, Guardia Zibilak ETAko lau ustezko kide atxilotu ditu Bilbon eta Galdakaon (Bizkaia), eta Puellesen hilketarekin zerikusia izatea egozten die.
RNEn egindako elkarrizketa batean, poliziaburuaren alargunak "gezurretan ez hasteko" eskatu dio Sorturi, haren asmo bakarra "dirua irabaztea" eta, Udaletan egonda, "haien kontuekin" jarraitzeko helburuz "informazio, diru eta prestazio gehiago lortzea".
"Ez dira poztuko, gaur triste daude. Hemen arazo bat dago, haiek bakarrik bizitzea nahi dutela, eta iritzi ezberdina dutenak, kanpora", nabarmendu du.
Bestalde, Mendezek Iñigo Urkullu EAJko presidentearen aurka egin du, Sorturekin "Gobernua" osatzea interesatzen zaiolako.
"Hori bai dela lazgarria, hiltzaileekin Gobernua osatu nahi izatea", nabarmendu du.
Josu Puelles
Atxilotuak bere anaiaren hiltzaileak direla baieztatuz gero, haientzako "zigor handiena" eta "kartzelaldia arintzeko neurririk ez" izatea eskatu du Josu Puellesek.
ETAk hildako poliziaburuaren anaiaren hitzetan, "egun hunkigarria da, emozio kontrajarriak ditugu; nolanahi ere, egun alaia da". "Atentuko egunean bezala, bihotzondokoa eman dit", azaldu du.
"Zuhur jokatu nahi dugu eta itxarongo dugu; Barne Ministroak terrorista horiek Eduren atentatuan parte hartu zuten baieztatu arte", adierazi du.