Politika -
Aurkezpena, Iruñean
NaBaik Patxi Zabaleta aurkeztuko du Nafarroako Parlamenturako
NaBaik indarkeriaren amaiera, aldebakarrekoa eta behin betikoa, eskatzen duela azpimarratu du Zabaletak. Horrez gain, estatutu berria eskatuko dute, "erabakitzeko eskubidea" aldarrikatzen duena.
Erredakzioa
Patxi Zabaleta Aralarko koordinatzaile orokorra izango da Nafarroa Bai koalizioaren Nafarroako Parlamenturako hautagaia. Zerrendan, eta Zabaletaren atzean, Asun Fernandez de Garaialde eta Txentxo Jimenezez parlamentariak daude.
Ondoren, Nekane Perez eta Paula Kasares ere zerrenda horretan agertzen dira, aurrekoan bezala, bosgarren eta bederatzigarren postuan, hurrenez hurren.
NaBai koalizioa EAJk eta Aralarrek osatzen dute, EAren eta Batzarreren irteeraren ondoren. Zerrendako laugarren postuan Manu Ayerdi dago, Amaia Arrizabalaga hamargarrenean eta Maider Goñi hamalaugarrenean.
Hautagaien aurkezpenean, Zabaletak hausteskundeetarako konpromiso batzuk hartu ditu, bost esparru ezberdinetan: administrazioa, krisi ekonomikoa, zerbitzu publikoak, eskubide zibilak eta lurralde iraunkortasun eta garapena besteak beste.
NaBaik indarkeriaren amaiera, aldebakarrekoa eta behin betikoa, eskatzen duela azpimarratu du Zabaletak. Horrez gain, estatutu berria eskatuko dute, "erabakitzeko eskubidea" aldarrikatzen duena.