Politika -
Faisan Auzia
Auzitegiak ETAri laguntzea egotzi die hiru akusatuei, bereari eutsita
Auzitegi Nazionalak baztertu egin du Fiskaltzak zigorra erretiratzeko egindako eskaria; izan ere, horren iritzian 'ez da beharrezkoa helburuekin bat etortzea' delitua egoteko.
Erredakzioa
Faisan Auziko hiru auzipetuei ETArekin kolaboratzea egozten dien delitua bere horretan mantendu du Auzitegi Nazionalak, nahiz eta Fiskaltzak erretiratzeko eskatu. Ondorioz epaitegiek auzia ikertzen jarraitu ahal izango dute.
Auzitegi Nazionalaren arabera "ez da beharrezkoa helburuekin bat etortzea" ETArekin kolaboratu izana egozteko.
Ruz epailearen erabakia berretsi du gaur zigor-arloko salak, Jose Ricardo de Prada magistratuaren boto partikularrarekin,. Victor Garcia Hidalgo eta beste bi auzipetuei ETArekin kolaboratu izana egozten dien epaia ez zela "arbitrarioa" iritzi du epaimahaiak.
Joan den martxoaren 24an, Carlos Bautista fiskalak hiru auzipetuei ETArekin kolaboratu izanagatik egotzitako delituak erretiratzeko eskatu zuen.
